Татарское книжное Издательство Мин язарга өйрәнәм. "Уйный-Уйный өйрәнәбез" сериясе. Уку-укыту басмасы Закирова Кафия Валиевна, Гарафиева Гульсина Закировна

Әти-әниләргә һәм тәрбиячеләргә 3–5 яшьлек балалар белән эшләү өчен методик ярдәмлек

Әти-әниләргә һәм тәрбиячеләргә 3–5 яшьлек балалар белән эшләү өчен методик ярдәмлек

В 2021 году исполняется 115 лет со дня рождения выдающегося татарского поэта Мусы Джалиля. Татарское книжное издательство знаменует большой юбилей несколькими публикациями. И одна из них – эта книга. Широко известное произведение Рафаэля Мустафина, посвящённое жизни и борьбе Мусы Джалиля, настолько популярно и любимо, что с момента первого выхода в свет в 1971 году под названием «По следам поэта-героя» оно выдержало несколько изданий

Тел галиме, филология фәннәре докторы, профессор Ф. Й. Юсуповның әлеге күпьеллык монографик хезмәтендә Казан ханлыгы чоры, Казан ханлыгы җимерелгәннән соң татар әдәби теленең нигезен тәшкил иткән, иң бай сөйләшләр системасыннан торган казан татарлары шивәсенең (диалектының) барлыкка килү тарихы, аның авазлар системасы һәм грамматик төзелеше өйрәнелә. Китапта шулай ук сөйләшләрне формалаштырган этник төркемнәрнең тарихы да күзаллана.Казан татарлары шивәсенең башка төрки телләр белән территориаль мөнәсәбәтләрен ачыклау өчен, автор тел белеменең лингвистик алымнарын да киң куллана. Китап тел белеме галимнәре, студентлар, татар теле һәм әдәбияты укытучылары, язучылар, журналистлар, шулай ук татар тарихы һәм татар теле белән кызыксынучыларга тәкъдим ителә

Предлагаемое в монографии комплексное исследование охватывает более трёх столетий становления и развития искусства рукописной и печатной книги в культуре татар. Большое внимание уделяется выявлению роли символики в оформлении татарской книги на начальном этапе формирования этого вида искусства. Впервые анализируются и вводятся в научный оборот уникальные артефакты, позволяющие проследить динамику развития рукописного и печатного татарского книжного искусства XVII - начала XX в • Книга предназначена для широкого круга читателей, интересующихся проблемами культуры, искусства, истории, философии и религиозного знания

Татарская народная сказка. С наклейками

Тарихчы, археограф Җ. С. Миңнуллинның бу китабына төрле елларда язылган, кайберләре вакытлы матбугат битләрендә, фәнни җыентыкларда дөнья күргән мәкаләләре, шулай ук галимнең татар халкы тарихына һәм аның аерым аспектларына багышланган халыкара конференцияләрдә ясаган чыгышлары һәм докладлары туплап бирелде. Авторның шәхси архивыннан фотоматериаллар да (археографик экспедицияләрдә, халыкара чараларда төшерелгән фоторәсемнәр) урын алды. Җыентык тарихчыларга, туган якны өйрәнүчеләргә, гуманитар факультет­ лар студентларына, гомумән,татар халкы тарихы белән кызыксынучыларга файдалы булыр

Шагыйрә, мөгаллимә Фәрзәнә Гобәйдуллинаның балалар өчен әлеге китабында зөбәрҗәттәй яшел аланнарда курай уйный торган җил-малайлар йөгерешә; кызыл, сары, яшел, зәңгәр төсләр биешә; салмалар вә бавырсаклар пешә; агачларга сибелгән йолдызлар җемелдәшә. Башкорт шагыйрәсенең күңелендә туган гаҗәеп дөньяга рәхим итегез!

Әлеге җыентыкка Татарстанның халык язучысы М. Галиевнең тәрҗемә әсәрләре туплап бирелде. Биредә М. Горький һәм А. Фуксның рус язучылары турындагы истәлекләре яктыртыла. Шулай ук дөнья әдәбиятының алтын фондына кергән Р. Акөтәгаваның «Чытырманлыкта» хикәя-новелласы, татарларны үз иткән алман галиме К. Фуксның татарлар, аларның көнкүреше, яшәү рәвеше, гореф-гадәтләре һ. б. турындагы хезмәте урнаштырылды. Шулай ук Ә. Карадауанның бөтендөнья тарихында җуелмас эз калдырган Чыңгыз хан турындагы язмалары, испанлы Р. Г. де Клавихоның сәяхәтнамәсе дә урын алды

Шагыйрь Рәмис Аймәтнең әлеге китабына соңгы елларда иҗат ителгән лирик һәм публицистик шигырьлере тупланды. Аларның күбесендә автор тел, милләт, вазгыять турындагы гамьнәре-уйланулары, шәхси күзәтүләре белән уртаклаша, заман, җәмгыять проблемаларын калкыта. Шәхси-сентименталь эчтәлекле шигырьләр шулай ук җыентыкның бизәге булып тора: аларда шагыйрь укучысына үзенең эчке дөньясын, җан кичерешләрен, мәңгелек сагыш сәбәпләрен ача. Югары эстетик дәрәҗәдә иҗат ителгән шигырьләрдә эмоциональ-психологик кичерешләр фәлсәфә белән үрелеп килә: шагыйрьнең заман үзгәрешләренә битараф кала алмаган лирик герое яшәешне, үз-үзен аңларга омтыла, шул ук вакытта тәкъдир кушканны үзгәртә алмауны тоемлау да лейтмотив булып сузыла

Үзбәк хан – XIV гасырда Алтын Урда дәүләте белән утыз ел чамасы идарә итеп, аны дөньяның иң алдынгы мәмләкәтләре югарылыгына күтәргән хаким. Әмма кодрәтле хөкемдарның язмышы тоташ каршылыклардан гына тора түгелме? Үз илендә исламны рәсми дин буларак игълан итеп тә, бертуган сеңлесен икенче дин кешесенә кияүгә бирә һәм чукынырга мәҗбүр итә; дәүләтен ныгытса да, яулап алган биләмәләрендә баскаклыкны бетерә; тәхет тирәсендәге кан коюларны туктату ниятендә кардәшләренең башына җитә... Рәхимсезлеге, шул ук вакытта намуслы, җаваплы, мәхәббәттә тугры булуы белән дә Үзбәк хан шул чор елъязмаларына кереп кала. Әсәр 2021 елда Татарстан Республикасы Президенты каршындагы Татар телен саклау һәм үстерү мәсьәләләре коммиссиясе (хәзер Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе) тарафыннан үткәрелгән конкурсның «Роман» номинациясендә 2 нче урынны алды

Әлеге китапка Румыниянең Добруҗа өлкәсендә яшәүче татарларның әкиятләре туплап бирелде. Румыния татарлары турында Татарстанда аз беләләр. Язма чыганаклар Румыния татарларының, төгәлрәк әйткәндә, Добруҗа өлкәсендәге татарларның килеп чыгышын Кырым белән бәйли. Биредә яшәүче төрки халыкның күбесе хәзерге кырымтатар әдәби теле формалашмаган чорда ук туган якларыннан – Кырым ярымутравыннан Румыниягә күчеп утырган һәм безнең Казан татарлары теленә якын булган нугай диалектында сөйләшкән дигән фикер бар. Китап «Тылсымлы һәм тылсымсыз масаллар» һәм «Хайваннар турында масаллар» дигән ике бүлектән тора. Беренче бүлектә – 35 әкият, икенчесендә 9 әкият бирелде. Күпчелек әкиятләрнең сюжеты татар халык әкиятләре белән уртак. Шулай да Добруҗа татарларына гына хас әкиятләр дә бар